Cycle Hub

Bydd ychwanegu’r ganolfan feicio newydd hon yng Ngham Un Bae Copr yn darparu gwasanaethau beicio hanfodol i’n cymuned o breswylwyr, gweithwyr ac ymwelwyr sy’n tyfu.

Mae’r ganolfan yn rhan allweddol o’n gweledigaeth cludiant ar draws y ddinas, ac rydym yn ymrwymedig i wella cyfleusterau beicio lleol i annog mwy o bobl i deithio i’r ddinas ac o’i chwmpas ar gefn beic. Rydym wedi buddsoddi dros £5 miliwn yn ddiweddar, fel rhan o grant Teithio Llesol Llywodraeth Cymru, i wella isadeiledd beicio’r ddinas, gan gynnwys creu bont drawiadol Bae Copr i gerddwyr a beicwyr a fydd yn ailgysylltu’r ddinas â’r Marina a’r traeth. Ar gyfer y 60% o breswylwyr Abertawe sy’n byw o fewn 500 metr o lwybr beicio dynodedig, heb sôn am y 4.7 miliwn o ymwelwyr blynyddol sy’n gallu mwynhau dros 120km o lwybrau beicio golygfaol, bydd y ganolfan feicio’n darparu gwasanaethau beicio hanfodol mewn lleoliad gwych.